کراچی میں سردی نے نیا ریکارڈ قائم کردیا

کراچی میں شدید سردی برقرار ہے، آج درجہ حرارت سنگل ڈیجٹ میں داخل ہوگیا، بعض علاقوں میں پانی تک جم گیا۔ محکمہ موسمیات

سُمیعہ خورشید (نمائندہ خصوصی کراچی)

کراچی میں شدید سردی کا سلسلہ جاری ہے، جس نے شہریوں کے لیے مشکلات پیدا کر دی ہیں۔ محکمہ موسمیات کے مطابق رات گئے شہر کا درجہ حرارت سنگل ڈیجٹ میں داخل ہو گیا اور بعض علاقوں میں پانی تک برف جم گئی ہے۔

شہر کے علاقے کاٹھور اور ملحقہ علاقوں میں پانی میں برف جم جانے کی اطلاعات موصول ہوئی ہیں، جس سے مقامی رہائشی حیران و پریشان ہیں۔

محکمہ موسمیات کے تازہ اعداد و شمار کے مطابق شہر کا کم سے کم درجہ حرارت 8.5 ڈگری سینٹی گریڈ ریکارڈ کیا گیا، جبکہ بعض علاقوں میں یہ 5 ڈگری سینٹی گریڈ تک پہنچ گیا۔

اس وقت شہر کا موجودہ درجہ حرارت 9 ڈگری سینٹی گریڈ ہے۔

ہوا میں نمی کا تناسب 54 فیصد ہے اور ہوائیں شمال مشرق سے 8 کلومیٹر فی گھنٹہ کی رفتار سے چل رہی ہیں۔

محکمہ موسمیات کا کہنا ہے کہ دن کے اوقات میں زیادہ سے زیادہ درجہ حرارت 20 سے 22 ڈگری سینٹی گریڈ کے درمیان رہنے کا امکان ہے۔

ویڈیو رپورٹ دیکھیں

ضلع ہنزہ کی وادی چپورسن آفت زدہ کیوں قرار دی گئی؟

موسم مجموعی طور پر خشک رہے گا، لیکن رات کے اوقات میں سردی کی شدت برقرار رہے گی اور بعض اوقات تیز ہوائیں بھی چل سکتی ہیں۔

شہریوں کو مشورہ دیا گیا ہے کہ سردی کے دوران گرم کپڑے پہنیں، بچوں اور بزرگوں کا خاص خیال رکھیں، اور پانی یا دیگر مائع اشیاء کو محفوظ طریقے سے رکھیں تاکہ یہ برف میں نہ جم جائیں۔