فہد ہارون کی صحافیوں سے ملاقات، ڈیجیٹل میڈیا پر تبادلہ خیال

ڈیجیٹل میڈیا میں ذمہ دارانہ صحافت اور مستند معلومات کی فراہمی ضروری ہے،وزیر مملکت و وزیراعظم کے معاون خصوصی برائے ڈیجیٹل میڈیا

فرحین العاص بیورو چیف اسلام آباد

اسلام آباد: وزیر مملکت و وزیراعظم کے معاون خصوصی برائے ڈیجیٹل میڈیا فہد ہارون نے کہا ہے کہ ڈیجیٹل میڈیا میں ذمہ دارانہ صحافت اور مستند معلومات کی فراہمی ضروری ہے۔

فہد ہارون نے اپنے دفتر میں صحافیوں سے ملاقات کی۔ ملاقات میں ٹیکنالوجی اور ڈیجیٹل میڈیا پر گفتگو ہوئی۔

ڈیجیٹل میڈیا کے بدلتے منظرنامے پر تبادلہ

انہوں نے ڈیجیٹل میڈیا کے بدلتے منظرنامے پر تبادلہ خیال کیا۔ جعلی خبروں، غلط معلومات اور گمراہ کن معلومات کے چیلنجز بھی زیر بحث آئے۔

فہد ہارون نے ڈیجیٹل پلیٹ فارمز کے بڑھتے ہوئے کردار کو اجاگر کیا۔ انہوں نے تعمیری ڈیجیٹل بیانیے کی اہمیت پر زور دیا۔

ڈیجیٹل شعبہ نئے مواقع پیدا کر سکتا ہے

انہوں نے پاکستان کی ڈیجیٹل تبدیلی کو معاشی ترقی کا اہم ذریعہ قرار دیا۔ ان کا کہنا تھا کہ ڈیجیٹل شعبہ جدت اور روزگار کے نئے مواقع پیدا کر سکتا ہے۔

فہد ہارون نے عالمی فری لانس معیشت میں پاکستان کی نمایاں پوزیشن کا بھی ذکر کیا۔

یہ بھی پڑھیں

سوشل میڈیا: ماحولیاتی شعور اور موسمیاتی آگاہی کی نئی صفِ اول

موسمیاتی تبدیلی اور میڈیا کا کردار: عوامی رائے کی تشکیل میں معلومات، شعور کی اہمیت

پاکستان دنیا کے سرفہرست فری لانس ممالک میں شامل ہے

انہوں نے کہا کہ پاکستان دنیا کے سرفہرست فری لانس ممالک میں شامل ہے۔صحافیوں نے ڈیجیٹل صحافت کے مستقبل پر اپنے خیالات کا اظہار کیا۔ ملاقات میں تیزی سے بدلتی ٹیکنالوجیز اور میڈیا کے کردار پر بھی گفتگو ہوئی۔