پی سی ایف کلائمیٹ یوتھ سمٹ لاہور 2026 میں نوجوانوں، پالیسی سازوں اور ماہرین نے پاکستان کی موسمیاتی قیادت پر مشترکہ لائحہ عمل پر زور دیا۔
فروزاں رپورٹ
لاہور میں پروگریسو کلائمیٹ فاؤنڈیشن (پروگریسو کلائمیٹ فاؤنڈیشن) کے زیر اہتمام پی سی ایف کلائمیٹ یوتھ سمٹ لاہور 2026 کامیابی کے ساتھ منعقد ہوئی۔
سمٹ کا مرکزی موضوع “نوجوان، موسمیاتی تبدیلی اور مستقبل: پاکستان کی موسمیاتی قیادت کی تشکیل” تھا۔
اس موقع پر پالیسی سازوں، ماہرینِ ماحولیات، تعلیمی شخصیات اور نوجوان رہنماؤں نے بڑی تعداد میں شرکت کی۔
نوجوان موسمیاتی قیادت کے لیے ناگزیر ہیں
افتتاحی خطاب میں پی سی ایف کے بانی و سی ای او توصیف خان نے شرکاء کو خوش آمدید کہا۔
انہوں نے کہا کہ موسمیاتی چیلنجز سے نمٹنے کے لیے نوجوانوں کا کردار مرکزی حیثیت رکھتا ہے۔
ان کے مطابق مستقبل کی پالیسی سازی اور ماحولیاتی تحفظ نوجوانوں کی شمولیت کے بغیر ممکن نہیں۔
ماہرین کی اہم گفتگو
سمٹ کے مہمانِ خصوصی کموڈور احسان احمد خان نے جنگوں اور تنازعات کے ماحولیاتی اثرات پر روشنی ڈالی۔
انہوں نے کہا کہ عسکری تنازعات کاربن اخراج میں اضافہ کرتے ہیں اور ماحول کو شدید نقصان پہنچاتے ہیں۔
مہمانِ اعزاز نازیفہ بٹ نے پاکستان میں بدلتے موسمیاتی رجحانات پر تفصیلی گفتگو کی۔
انہوں نے کہا کہ بڑھتا ہوا درجہ حرارت زراعت، انسانی صحت اور ماحولیاتی نظام پر براہ راست اثر ڈال رہا ہے۔
موسمیاتی قیادت اور پالیسی پر سیشن
خصوصی سیشن میں پروفیسر ڈاکٹر شاہد منیر، حمید اختر، شہزاد حسین، پروفیسر ڈاکٹر خالد محمود، ڈاکٹر شائستہ سہیل اور ثانیہ نذیر چوہدری نے شرکت کی۔
مقررین نے کہا کہ موسمیاتی حکمرانی اور پائیدار ترقی میں نوجوانوں کو فعال کردار ادا کرنا ہوگا۔
انہوں نے پالیسی سازی میں نوجوانوں کی شمولیت کو ناگزیر قرار دیا۔
پنجاب کے موسمیاتی مستقبل پر پینل
“پنجاب کا موسمیاتی مستقبل: پالیسی، فضائی آلودگی اور شہری لچک” کے عنوان سے پینل مباحثہ منعقد ہوا۔اس کی نظامت خدیجہ اسلم نے کی۔
پینلسٹ میں سید کشف احمد، بختاور، ڈاکٹر مہوش انیس، صبیحہ شاہین اور ڈاکٹر حسن بن سعادت شامل تھے۔
گفتگو میں فضائی آلودگی، شہری ترقی اور موسمیاتی پالیسی پر تفصیلی تبادلہ خیال کیا گیا۔
نوجوانوں کی آوازیں
“مستقبل کی آوازیں: موسمیاتی تحفظ میں نوجوانوں کی قیادت” کے عنوان سے یوتھ پینل بھی ہوا اس کی نظامت زنیرا رحمان نے کی۔
فاطمہ ریاض، بشریٰ امان ورک، دینہ افضل اور ارحم عرفان نے اپنے تجربات اور خیالات پیش کیے۔
انہوں نے کہا کہ نوجوان ماحولیاتی آگاہی اور کمیونٹی ایکشن میں اہم کردار ادا کر رہے ہیں۔
یہ بھی پڑھیں
موسمیاتی تبدیلی: 2.48 ارب روپے مختص، گرین پاکستان پروگرام کو بڑا حصہ
سمندر تباہی کے دہانے پر، دنیا کے طاقتور رہنما ممباسا میں جمع
اعزازی شیلڈز اور اختتامی تقریب
تقریب کے اختتام پر پروگریسو کلائمیٹ فاؤنڈیشن کی جانب سے مہمانوں، مقررین اور شراکت داروں کو شیلڈز اور سووینئرز پیش کیے گئے۔یہ اعزاز ان کی خدمات کے اعتراف میں دیا گیا۔
پاکستان میں پائیدار ترقی کا عزم
پی سی ایف نے اس موقع پر عزم ظاہر کیا کہ نوجوانوں کو ماہرین اور پالیسی سازوں سے جوڑ کر موسمیاتی اقدامات کو مزید مضبوط بنایا جائے گا۔
تنظیم نے کہا کہ پاکستان میں پائیدار ترقی اور ماحولیاتی تحفظ کے لیے کوششیں جاری رہیں گی۔
