کراچی میں گرج چمک کے ساتھ بارش کا امکان، فضائی معیار مضر صحت

کراچی موسم اور فضائی آلودگی: شہر میں گرج چمک کے ساتھ بارش کا امکان، ایئر کوالٹی انڈیکس 198 تک پہنچ گیا، شہری احتیاط کریں۔

نمائندہ خصوصی، سمعیہ خورشید

محکمہ موسمیات کی جانب سے جاری کردہ پیشگوئی کے مطابق شہر قائد کراچی میں اس وقت مطلع جزوی طور پر ابرآلود ہے اور گرج چمک کے ساتھ ہلکی سے درمیانی درجے کی بارش کا امکان بھی ظاہر کیا گیا ہے۔

محکمہ موسمیات کے مطابق ،آج کم سے کم درجہ حرارت 18 ڈگری سینٹی گریڈ ریکارڈ کیا گیا۔

موجودہ درجہ حرارت 20 ڈگری سینٹی گریڈ ہےجبکہ زیادہ سے زیادہ درجہ حرارت 28 سے 30 ڈگری سینٹی گریڈ کے درمیان رہنے کا امکان ہے۔

ہوا میں نمی کا تناسب 86 فیصد ریکارڈ ہوا ہے اور شمال مشرقی ہوائیں 4 کلو میٹر فی گھنٹہ کی رفتار سے چل رہی ہیں۔

دوسری جانب شہر میں فضائی آلودگی کی صورتحال تشویشناک ہے۔ عالمی فضائی معیار جانچنے والے ادارے آئی کیو ائیر کے مطابق کراچی کا ایئر کوالٹی انڈیکس 198 ریکارڈ کیا گیا ہے جو مضر صحت سطح پر شمار ہوتا ہے۔

ہوا میں آلودہ ذرات (پارٹیکیولیٹ میٹرز) کی مقدار 123 ریکارڈ کی گئی ہے۔

یہ بھی پڑھیں

مائیکرو بایوم انجینئرنگ: مرجانی چٹانوں کے تحفظ کی نئی امید

رپورٹ کے مطابق کراچی دنیا کے آلودہ ترین شہروں کی فہرست میں چھٹے نمبر پر آگیا ہے، جس کے باعث شہریوں خصوصاً بچوں، بزرگوں اور سانس کے مریضوں کو احتیاطی تدابیر اختیار کرنے کی ہدایت کی گئی ہے۔