فرحین العاص، بیورو چیف اسلام آباد
پاکستان میں بڑھتے ہوئے ماحولیاتی چیلنجز اور موسمیاتی تبدیلیوں کی مؤثر کوریج کے لیے اسلام آباد میں صحافیوں کے لیے خصوصی دو روزہ گرین اسکلز بوٹ کیمپ کا انعقاد کیا گیا۔
یہ تربیتی پروگرام ارادہ اور ایس ڈی پی آئی کے اشتراک سے منعقد ہوا، جس میں ملک بھر سے ماحولیاتی صحافیوں نے شرکت کی۔
بوٹ کیمپ کے دوران صحافیوں کو ماحولیاتی رپورٹنگ کے جدید تقاضوں سے آگاہ کیا گیا۔ شرکاء کو درست معلومات اور گمراہ کن معلومات میں فرق کرنے کے مؤثر طریقے بھی سکھائے گئے۔
آئی بی اے سی ای جے کراچی کی منیجر مریم خان نے اسٹوری ٹیلنگ، فیکٹ چیکنگ اور جدید رپورٹنگ کی تکنیکوں پر تفصیلی تربیت فراہم کی۔
اس موقع پر محقق ڈاکٹر شاہد نے موسمیاتی سائنس، پاکستان کو درپیش ماحولیاتی خطرات اور ڈیٹا پر مبنی صحافت کی اہمیت پر سیشنز کی قیادت کی۔
انہوں نے ماحولیاتی مسائل کی مؤثر رپورٹنگ میں مستند اعداد و شمار کے استعمال پر زور دیا۔
تربیتی ورکشاپ کے دوران شرکاء کو کلائمیٹ فنانس، کھوجی صحافت اور سوشل میڈیا پر پھیلنے والی گمراہ کن معلومات کی نشاندہی اور فیکٹ چیکنگ جیسے اہم موضوعات پر بھی رہنمائی فراہم کی گئی۔
تقریب کے اختتام پر پاکستان میں ڈنمارک کی سفیر ماجا ڈیروس مورٹنسن نے بطور مہمانِ خصوصی شرکت کی۔
انہوں نے کامیاب شرکاء میں سرٹیفکیٹس تقسیم کیے اور ماحولیاتی صحافت کی اہمیت کو اجاگر کیا۔
یہ بھی پڑھیں
پی سی ایف یوتھ سمٹ 2026: موسمیاتی قیادت کا عزم
مفاہمتی یادداشت: ایس ڈی پی آئی اور جامعہ سندھ میں ایم او یو
یہ بوٹ کیمپ سفارت خانے اور ایس ڈی پی آئی کے مابین جاری گرین اسکلز پروگرام کا حصہ ہے۔
اس پروگرام کا مقصد پاکستان میں ماحولیاتی صحافت کو فروغ دینا اور صحافیوں کو جدید ماحولیاتی چیلنجز سے نمٹنے کے لیے ضروری مہارتوں سے آراستہ کرنا ہے۔
ماہرین کے مطابق یہ اقدام ملک میں ماحولیات اور موسمیاتی تبدیلی سے متعلق ذمہ دارانہ صحافت کے فروغ میں اہم کردار ادا کرے گا۔
موسمیاتی تبدیلی پر پارلیمانی مشاورت، ماہرین اور ارکانِ پارلیمنٹ کا حکومت سے فوری اور مؤثر…
کراچی کولنگ پلان کے تحت کولنگ سینٹرز، شہری ہریالی، ہیٹ الرٹس اور اسپتالوں کی تیاری…
سمندری نگرانی منصوبے کی بندش روک دی گئی، قومی سائنس فاؤنڈیشن ماہرین سے مشاورت کے…
برسلز کانفرنس میں وفاقی وزیر مصدق ملک کا واضح پیغام، پانی، موسمیاتی تبدیلی اور عالمی…
موسمیاتی تبدیلی کے بڑھتے خطرات کے پیشِ نظر نمائشی مہمات کے بجائے مؤثر اقدامات، عوامی…
مفاہمتی یادداشت کے تحت موسمیاتی تحقیق، سماجی تحفظ، تعلیمی تعاون اور پالیسی سازی کے شعبوں…
This website uses cookies.