جنوبی کوریا میں ایک صدی بعد گرمی کے تمام ریکارڈ ٹوٹ گئے

جنوبی کوریا میں 1904 کے بعد پہلی بار 42 ڈگری سینٹی گریڈ سے زائد درجہ حرارت ریکارڈ، حکام کا ریڈ الرٹ فوری جاری

فروزاں رپورٹ

سیول: جنوبی کوریا میں ایک صدی بعد گرمی کے تمام سابقہ ریکارڈ ٹوٹ گئے۔ 1904 سے جاری جدید موسمی مشاہدات کی تاریخ میں پہلی بار اتنا بلند درجہ حرارت ریکارڈ کیا گیا ہے۔

تفصیلات کے مطابق جنوبی کوریا ان دنوں موسمیاتی تبدیلیوں کی بدترین لہر کی لپیٹ میں ہے، جہاں ایک صدی کے بعد گرمی کے تمام سابقہ ریکارڈ ٹوٹ گئے ہیں۔

غیر معمولی درجہ حرارت اور شدید لو کے باعث حکام نے ہنگامی اقدامات کرتے ہوئے ملک میں دوسرے درجے کی شدید ایمرجنسی نافذ کر دی ہے۔

موسمیاتی صورتحال کی سنگینی کو مدنظر رکھتے ہوئے متعلقہ حکام نے شہریوں کے لیے ریڈ الرٹ جاری کیا ہے۔ شہریوں کو سخت تاکید کی گئی ہے کہ وہ بیماری یا جانی نقصان سے بچنے کے لیے تمام بیرونی اور آؤٹ ڈور سرگرمیاں فوری طور پر ترک کریں اور گھروں کے اندر رہیں۔

درجہ حرارت 42 ڈگری سے تجاوز کر گیا

محکمہ موسمیات اور مقامی میڈیا کے مطابق ملک کے مختلف حصوں میں درجہ حرارت خطرناک حد تک بڑھ چکا ہے۔ بعض علاقوں میں پارہ 42 ڈگری سینٹی گریڈ سے بھی تجاوز کر گیا ہے۔

یانگ سان میں مسلسل پانچ روز سے درجہ حرارت 40 ڈگری سینٹی گریڈ سے اوپر ریکارڈ کیا جا رہا ہے، جس نے معمولاتِ زندگی کو مفلوج کر دیا ہے۔

ملک کے دیگر بڑے شہروں، بشمول ڈیگو اور بوسان، میں بھی شدید تپش کا سلسلہ جاری ہے، جہاں درجہ حرارت 30 ڈگری سینٹی گریڈ کی بلند ترین سطح پر برقرار ہے۔

122 سالہ موسمی ریکارڈ ٹوٹ گیا

ماہرینِ موسم کا کہنا ہے کہ جنوبی کوریا میں 1904 سے جدید موسمی مشاہدات اور ریکارڈ رکھنے کا سلسلہ شروع ہوا تھا۔

گزشتہ 122 سالہ تاریخ میں پہلی بار ملک میں اتنا زیادہ اور ہولناک درجہ حرارت ریکارڈ کیا گیا ہے۔

یہ بھی پڑھیں

سنگاپور: موسمیاتی خطرات کا پہلا فزیکل رسک تجزیہ شروع

تھر کول رائلٹی: منصفانہ حصے کے لیے قانون سازی کا مطالبہ

اسپتالوں میں ہیٹ اسٹروک کے مریضوں کی آمد کے پیشِ نظر طبی عملے کو بھی الرٹ کر دیا گیا ہے۔

جنوبی کوریا میں گرمی کے تمام ریکارڈ ٹوٹ گئے ہیں۔ 1904 سے جاری جدید موسمی مشاہدات کی تاریخ میں پہلی بار اتنا بلند درجہ حرارت ریکارڈ کیا گیا ہے۔