فروزاں رپورٹ
اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں خشک سالی کی صورتحال کا جائزہ لینے کے بعد سندھ کے لیے ہائی الرٹ جاری کر دیا ہے۔
این ڈی ایم اے کے نیشنل ایمرجنسی آپریشنز سینٹر نے سندھ کے اضلاع عمرکوٹ، تھرپارکر، میرپورخاص اور سجاول کے بعض علاقوں میں شدید خشک سالی کے خطرے سے خبردار کیا ہے۔ بلوچستان کے اضلاع چاغی اور واشک کے متاثرہ علاقے بھی اس خطرے کی زد میں ہیں۔
این ڈی ایم اے کے مطابق معمول سے کم بارشیں، طویل عرصے تک خشک موسم، درجہ حرارت میں اضافہ اور مون سون کے بدلتے ہوئے انداز خشک سالی کی بنیادی وجوہات ہیں۔
سندھ کے متاثرہ اضلاع میں درجہ حرارت معمول سے ایک سے 3 ڈگری سینٹی گریڈ زیادہ ریکارڈ کیا جا رہا ہے۔ پانی کی شدید قلت سے زراعت اور فصلوں کی پیداوار متاثر ہو رہی ہے، جس سے غذائی تحفظ کے خدشات بھی بڑھ گئے ہیں۔
دوسری جانب وزیراعلیٰ سندھ کے مشیر گیان چند ایسرانی نے جمعرات کو بتایا کہ سندھ حکومت نے تھرپارکر اور عمرکوٹ میں خشک سالی کی صورتحال کا سروے کرانے کا فیصلہ کیا ہے۔
خشک سالی سے متعلق اجلاس میں بتایا گیا کہ سروے کے دوران صاف پانی، تعلیم، خوراک کی قلت، ماں اور بچے کی صحت اور مویشیوں سے متعلق مسائل کا جائزہ لیا جائے گا۔
حکام کو ہدایت کی گئی ہے کہ ڈپلو، ڈاہلی، چھاچھرو اور نگرپارکر کے علاقوں میں فوری امدادی اقدامات کیے جائیں۔ ان اقدامات میں خواتین اور بچوں کو ترجیح دینے کی ہدایت بھی کی گئی ہے۔
یہ بھی پڑھیں
کوپ 31، سندھ کے 10 لاکھ مکانات مکمل، عالمی سطح پر پذیرائی
موسمیاتی بحران میں امیروں کا منافع اور غریبوں کا نقصان
متاثرہ آبادی کی مدد کے لیے خوراک کی فراہمی، نقد مالی امداد، خوراک کے واؤچرز اور بینظیر انکم سپورٹ پروگرام کے طریقہ کار سے استفادہ کرنے پر بھی غور کیا جا رہا ہے۔ اس سے قبل وزیراعلیٰ سندھ سید مراد علی شاہ نے تھرپارکر کو آفت زدہ ضلع قرار دینے کا فیصلہ کیا تھا اور علاقے میں خشک سالی سے نمٹنے کے لیے فوری اقدامات کی ہدایت کی تھی۔
کوپ 31، حتمی معاہدے کے لیے فوسل فیولز، مالی معاونت اور صاف توانائی سمیت 6…
کوپ 31 میں تعطل برقرار، جنوبی ایشیا کا مالی مدد، موسمیاتی تحفظ، ترقی کے حق…
کوپ 31، فوسل فیولز اور موسمیاتی مالی معاونت پر تعطل، ترقی پذیر ممالک کے تحفظات،…
موسمیاتی تبدیلیوں سے اجتماعی بے حسی بڑھنے لگی، قدرتی آفات اور خبروں سے ذہنی صحت…
کوپ 31، کاربن فیس، انسانی حقوق، فوسل ایندھن اور موسمیاتی مالی معاونت پر اختلاف، ترقی…
کوپ 31، مالی ذمہ داری، انسانی حقوق اور فوسل ایندھن منتقلی پر اتفاق نہ ہو…
This website uses cookies.